പറയുമ്പോൾ എല്ലാം പറയണമല്ലോ. തൊഴിൽരഹിതനും സർവ്വോപരി സാഹിത്യകാരനുമായ പാപ്പച്ചൻ ഒരു പുതിയ സംരംഭം തുടങ്ങുകയാണ്. താരാ സ്പഷ്യൽസ് എന്ന പേരിൽ ഒരു സിഗരറ്റ് നിർമ്മാണശാല. അതിനുമുമ്പ് തുടങ്ങാൻ ശ്രമിച്ച പരിപാടികളെല്ലാം പൊട്ടിപ്പാളീസായതിനുശേഷമാണ് ഈ സംരംഭം. കയ്യിൽ നയാപ്പൈസയില്ലാത്ത പാപ്പച്ചൻ പക്ഷെ മുതൽമുടക്കാൻ സഹപാഠിയായിരുന്ന പോളിയെയാണ് സമീപിക്കുന്നത്. സിഗരറ്റ് നിർമ്മാണ യന്ത്രം കയ്യിലുള്ള പ്രേംരഘു എന്ന മറ്റൊരു ചങ്ങാതിയേയും പാർട്ട്ണറാക്കാൻ തീർച്ചയാക്കി. മധുരമോഹന സുരഭിലമായ ഒരു ബിസിനസ് സ്വപ്‌നവുമായി ഒരുമിക്കുന്ന ആ കൂട്ടുകെട്ടിന്റെ അവസാനം, പാപ്പച്ചനെ സംബന്ധിച്ച് പറയുമ്പോൾ എല്ലാം പറയണമല്ലോ. അതി ഭീകരം. താരാസ്‌പെഷ്യൽസ്- ബഷീറിന്റെ തൂലികയിൽ പിറന്ന ഒരു മികച്ച നോവൽ.