തുറന്നു പറയാതെ മനസ്സിൽ സൂക്ഷിക്കുന്ന പ്രണയത്തിന് മനോഹാരിത ഏറെയാണ്. ഇവിടെ അവിനാശും ഇഷാരയും അവരുടെ നനുത്ത പ്രണയവും ആരോരുമറിയാതെ അവർ പോലുമറിയാതെ സഞ്ചരിക്കുകയാണ്. അവർക്കു ചുറ്റുമുള്ളതെല്ലാം അവർക്കുവേണ്ടി സംസാരിച്ചുകൊണ്ടേയിരുന്നു. കാറ്റ്, മഴ, നിലാവ്, താരാട്ട്, പാത്രങ്ങൾ, പൈപ്പിലെ വെള്ളം അങ്ങനയങ്ങനെ ചുറ്റുമുള്ളതെല്ലാം. ആ പ്രണയത്തിനൊരു വിരഹമുണ്ടായാൽ അതെത്രമേൽ തീവ്രമായിരിക്കും? പ്രണയത്തിന്റെ, ജീവിതത്തിന്റെ നാനാർത്ഥങ്ങൾ കണ്ടെത്തുന്ന നോവൽ.